Өнөөдөр Япон Улсын Шизүока мужийн Яйзү хотын дунд, ахлах ангийн сурагчид дунд зохион байгуулсан “Монголоос сэдэвлэсэн гар зургийн уралдаан”-ы шилдгүүд Чингэлтэй дүүрэгт зочиллоо.
Тус тэмцээнийг Чингэлтэй дүүрэг Яйзү хот хоорондын найрамдалт харилцааны хүрээнд жил болгон уламжлал болгон зохион байгуулж ирсэн бөгөөд шагналт байранд шалгарсан сурагчид Монгол Улсад ирж, Монголын өв соёл, ёс заншил, газар орны байдалтай нь танилцдагаараа онцлог юм.Энэ удаагийн айлчлалын бүрэлдэхүүнд Яйзү хотын Гадаад харилцааны хэлтсийн дарга Окамото Макото, Шимада цогцолбор сургуулийн 9-р ангийн сурагч Комай Нанака, Оомура дунд сургуулийн 9-р ангийн сурагч Ито Кэй ичи, Яйзү Чүюо дунд сургуулийн 8-р ангийн сурагч Мацүбаяши Чинами, Сарэжо дунд сургуулийн 8-р ангийн сурагч Тэрао Рэйра, багш Таки и Макико, Фүжигаяа Кэнтаро, Сүзүки Шүүжи болон Гадаад харилцааны мэргэжилтэн Б.Янжинлхам нар багтсан юм.Хүрэлцэн ирсэн зочдыг Чингэлтэй дүүргийн Засаг дарга Н.Мандуул, ЧДИТХ-ын Ажлын албаны дарга Б.Нацагдорж болон холбогдох албан хаагчид хүлээн авч, уулзалт зохион байгуулав.
